У Цешаўлянскую школу завіталі вучні 7-9 класаў Баранавіцкіх школ (агульнай колькасцю 33 чалавекі). Мэтай наведвання было азнаёміцца з экспазіцыяй школьнага музея імя Я. Чачота. Дырэктар школы Дубейка В.М. у якасці экскурсавода расказаў вучням аб цікавых фактах і экспанатах музею. Па заканчэнні экскурсіі Баранавіцкія вучні задалі пытанні аб тых экспанатах, якія зацікавілі іх у першую чаргу. Гэтая падзея яшчэ раз сведчыць аб тым, што музей Цешаўлянскай школы і краяведчыя звесткі, якімі валодае Васіль Міхайлавіч, гэта сапраўды культурная каштоўнасць, якая вабіць увагу не толькі мясцовых жыхароў.