У Цешаўлянскай сярэдняй школе быў праведзены конкурс чытачоў па тэме "Пакланяемся тым гадам". Прынялі ўдзел вучні 5-9 класаў.

Урок памяці бясконцы. Як бясконцая павага да тых, хтопранес любоў да Радзімы праз ліхалецце Вялікай Айчыннай вайны і перадаў гэтае пачуцце нам. Спадчына пераможцаў святая і вечная. Тэма народнага подзвігу - асноўная тэма мерапрыемства, якое прайшло 17 студзеня 2015 года ў Цешаўлянскай сярэдняй школе. Мэта - глыбокае асэнсаванне неўміручасці народа, яго прага да волі і незалежнасці. Абавязак кожнага настаўніка і школьніка - падтрымліваць Вечны агонь Перамогі. "Памяць пра герояў, якія мужна змагаліся на полі бою, супрацьстаялі акупантам, аддана працавалі на перамогу ў тыле, сілкуе кожнага з нас энергіяй дабрыні і высакасардэчнасці" - так закончыла сустрэчу з вучнямі настаўніца беларускай мовы і літаратуры Цешаўлянскай сярэдняй школы Каржан Галіна Іванаўна.