Арганізацыя прафесійнай падрыхтоўкі вучняў Х і ХІ класаў

АСАБЛІВАСЦІ АРГАНІЗАЦЫІ АДУКАЦЫЙНАГА ПРАЦЭСУ
пры вывучэнні вучэбнага прадмета
«ПРАЦОЎНАЕ НАВУЧАННЕ» У X КЛАСЕ

                                                    Агульныя палажэнні
З 2018/2019 навучальнага года ва ўстановах агульнай сярэдняй адукацыі (далей - УАСА) і ўстановах спецыяльнай адукацыі (далей - УСА) для вучняў X класаў, якія вывучаюць усе прадметы на базавым узроўні, уведзены вучэбны прадмет «Працоўнае навучанне». У рамках дадзенага вучэбнага прадмета ў аб'ёме 6 гадзін у тыдзень рэалізуецца адукацыйная праграма прафесійнай падрыхтоўкі рабочых (служачых), якая накіравана на засваенне вучнямі прафесій рабочых (служачых), павышэнне іх сацыяльнай абароненасці на рынку працы, фарміраванне станоўчай матывацыі да працягу прафесійнай адукацыі.
Асноўнай мэтай працоўнага навучання вучняў III ступені агульнай сярэдняй адукацыі з'яўляецца прадастаўленне ім магчымасці атрымаць першасныя навыкі па пэўнай прафесіі і пераканацца ў правільнасці свайго прафесійнага выбару, а ўстановам прафесійна-тэхнічнай адукацыі (далей - УПТА) і ўстановам сярэдняй спецыяльнай адукацыi (далей - УССА) - атрымаць падрыхтаваных абітурыентаў.

Нарматыўныя прававыя акты для забеспячэння прафесійнай падрыхтоўкі школьнікаў

http://ripo.unibel.by/index.php?id=3349 

У Цешаўлянскай  сярэдняй школе Баранавіцкага раёна прафпадрыхтоўка для вучняў 10 і 11 класаў адбываецца па першай і па трэцяй мадэлі. 2 вучаніцы 11 класа атрымліваюць прафесію "Агароднік", пад кіраўніцтвам педагога Старыковіч Ірыны Генадзьеўны. Заняткі праходзяць па пятніцах  11.50 - 13.30 і па суботах з 9.00 да 13.00. 4 вучні 11 класа атрымліваюць прафесію "Слесар" і 4 вучня 10 класа атрымліваюць прафесію "Садавод". Заняткі праходзяць па пятніцах з 11.45 да 13.00 і па суботах з 8.45-12.00. Рэалізавана атрыманне прафесіі па ІІІ мадэлі (на базе УА "Навамышскі дзяржаўны аграрны каледж") "Слесар па рамонту аўтамабілей".