Цудоўны свет Міхася Пазнякова ў Цешаўлянскай бібліятэцы

У Цешаўлянскай бібліятэцы адбыўся асаблівы і цёплы літаратурны агляд “У родным краі”, прысвечаны юбілею любімага беларускага дзіцячага паэта — Міхася Пазнякова.

Нашы маленькія чытачы з захапленнем слухалі апавяданне бібліятэкара пра жыццё і творчасць пісьменніка, чые простыя, але неверагодна шчырыя і цёплыя вершы зачароўваюць ужо не адно пакаленне. 

Міхась Пазнякоў — сапраўдны майстар слова, які ўнёс велізарны ўклад у нашу літаратуру. Яго творы, поўныя дабраты, гумару і любові да роднага краю, не пакінулі роўнадушнымі нікога! Дзеці з задавальненнем знаёміліся з яго паэзіяй, адчуваючы, як за простымі словамі хаваецца талент вялікага мастака.

Вялікі дзякуй усім, хто прыйшоў! Мы рады, што яшчэ адкрылі для кагосьці цудоўны свет беларускай дзіцячай паэзіі.

Чытайце беларускае! Адкрывайце прыгажосць роднага слова разам з намі!